Deutsch | Français | Italiano | Rumantsch | Impressum

Stgarpar cun il X-Ripper

Il X-Ripper è adattà per stgarpar las pli differentas materias insolublas. El vegn duvrà en implants da recicladi, en sereneras ed en chasas da maz sco era per dismetter aua persa e per reutilisar rument biologic e vanzadiras da spaisas.
En l'economia agrara vegn en acziun il X-Ripper per alimentar implants da biogas. Ulteriurs champs d'utilisaziun èn per exempel l'industria da victualias e l'industrica chemica.


L'innovaziun da Vogelsang: ils roturs monolitics Ripper

Ils roturs monolitics Ripper èn fabritgads d'atschal da gronda qualitad. Cun els sa reducescha il basegn da prestaziun da tracziun dal X-Ripper. Il medem mument vegnan però augmentads il fluss da la forza, la productivitad e l'effizienza. La construcziun particulara dals roturs reparta il mument da rotaziun sin l'entir alver. Perquai èn pussaivlas pli autas chargias e la durada da funcziunament vegn prolungada. Il coc extrem solid dals roturs è previs per utilisaziuns diras. Uschia ademplescha il X-Ripper era pretensiuns pli autas senza problems e po perquai vegnir utilisà a moda anc pli universala.

  • augment da la disponibladad
  • augment da l'efficacitad da tagl
  • augment da l'effizienza


Nus As purschain in'auta protecziun da l'investiziun!

Ina lunga durada da funcziunament grazia a la furma da construcziun robusta

  • in manizzament rentabel

 

Service e mantegniment sin il lieu ed en curt temp

  • in temp da lavur minimal per il service ed il mantegniment
  • in'auta disponibladad

Protecziun cunter materias estras ed insolublas

  • donns da pumpas sequentas vegnan evitads


Ulteriuras infurmaziuns davart il X-Ripper.


Infurmaziun tecnica

Vus planisais in implant chemic, da biogas, da sarinera u da tecnica da victualias e duvrais dessegns da mesira u da tagl? U essas Vus a la tschertga d’ina glista da tocs da reserva u instrucziun da diever?

 

Alura ans tramettai in curt e-mail cun l’indicaziun dal model, dal tip e dal numer da seria a info(at)sympex.ch. Voss giavisch vegn elavurà speditivamain.

 

 

 

 

 
Sympex Pumpen GmbH | Chiseweg 3 | 3533 Bowil | 031 712 01 21 | info@sympex.ch
  Design & Technology by YOUHEY Communication AG, © 2021 Burgdorf, Switzerland.